Fara í efni

Förðunarfræðingur HÉRER prófar marga farða og þessi er einn sá ALLRA besti!

Fegurð - 29. mars 2021

Það þarf mikið til að við verðum hálforðlausar þegar nýr farði kemur á markað, enda ansi sjóaðar í bransanum. Förðunarfræðingur HÉRER á ekki til orð yfir einum sem kom í verslanir á dögunum.

Snyrtivöruframleiðendur keppast við að koma með nýjungar á markað og fyrir þann sem lifir og hrærist í meiköppbransanum getur það oft og tíðum verið yfirþyrmandi að fylgjast með. Það gerist ekki oft þegar farði kemur á markað að við verðum hálforðlausar. Fyrir örfáum árum kom Synchro Skin Self Refreshing-farðinn frá Shiseido á markað og við höfum talað um hann sem einn af allra bestu förðum síðari ára allar götur síðan. Nýverið kom ljómandi útgáfa af farðanum á markað sem heitir Synchro Skin Radiant Lifting og þorum við að segja það? Hann er að okkar mati enn betri! Ekki láta „ljómandi“ lýsinguna trufla ykkur, hann er ekki „klístraður“ á húðinni heldur endurkastar ljósi á einstakan hátt en efnafræðin á bakvið formúluna er ekki eitthvað sem við ætlum að reyna að tíunda hér. Í stuttu máli sagt, ef þú ert að leita þér að farða, hvort sem húð þín er þurr, olíukennd eða blönduð þá getum við heilshugar mælt með að prófa Radiant Lifting.

Synchro Skin Radiant Lifting-farðinn er miðlungsþekjandi, auðvelt að byggja hann upp og alltaf náttúrulegur á húðinni. Hann fær fimm stjörnur af fimm mögulegum frá förðunarfræðingi HÉRER.

Hér má sjá litaúrvalið sem verður að teljast fremur gott.
Fyrirsætan og leikkonan unga, Hunter Schafer, er andlit Shiseido en hún er virðist endurspegla nútímalegt yfirbragð snyrtivöruframleiðandans og nær væntanlega vel til yngri markhópsins.

Hunter Schafer er transkona sem hefur getið sér gott orð fyrir leik sinn sem Jules í sjónvarpsþáttunum Euphoria sem sýndir eru á HBO. Þá er hún einnig ötul talskona réttindabaráttu LGBTQ-samfélagsins.

Synchro Skin Radiant Lifting-farðinn fæst í Hagkaup í Smáralind.

Smelltu hér til að lesa meira um bestu farðana í bransanum!

Meira úr fegurð

Fegurð

Vetrarsport er innblásturinn af nýrri Winter Glow-línu Chanel

Fegurð

Heitustu förðunar­trendin og spennandi snyrtivörur á afslætti

Fegurð

Heitustu hártrendin 2024

Fegurð

Bestu farðar ársins á 23% afslætti á Áramótabombu

Fegurð

Hugmyndir að dekurjólagjöfum á 20% afslætti

Fegurð

Snyrtivörur sem fengu förðunarfræðinginn okkar til að segja VÁ!

Fegurð

Náttúrulegar gæðavörur sem eru í uppáhaldi hjá Hollywood-stjörnunum

Fegurð

Eitt vinsælasta húðvörumerki heims komið í Lyfju og það er á frábæru verði!