Við byrjum á því að spyrja Natalie hvað væri að finna í snyrtibuddunni hennar ef hún mætti bara velja fimm hluti.
8 hour krem frá Elizabeth Arden sem ég gæti notað sem varasalva, í augabrúnir og sem highlighter. Les Beiges Bronzing Cream frá Chanel sem ég myndi nota á andlit og augu, Catchy Eyes-maskarann minn frá Gosh, Le Correcteur-hyljara frá Chanel og kremaðan kinnalit frá Shiseido í litnum Sonoya. Ég held ég væri bara ansi góð með þessar vörur.
Ég elska augnblýantana Kajal InkArtist frá Shiseido. Þeir eru þykkir og litsterkir en blandast ótrúlega vel og auðveldlega. Ég nota þá sem augnskugga, eyeliner og í vatnslínuna og þeir haggast ekki. Brúni blýanturinn er ein af mínum mest notuðu vörum en ég er líka mjög hrifin af rauða litnum og þeim bláu.
Synchro Skin Self-Refreshing Custom Finish-púðurfarðinn er í miklu uppáhaldi hjá mér. Púðurfarði er eitthvað sem ég hafði aldrei notað og ég verð að viðurkenna að ég var með mikla fordóma fyrir púðurförðum en svo prófaði ég þennan og vá, hvað hann breytti skoðun minni. Hann er nánast kremkenndur og gefur fallega þekju og fullkomna áferð á húðina. Hann sest ekki í þurrkubletti eða fínar línur og er fallegur á húðinni allan daginn. Ég nota hann frekar með þéttum bursta en með svampi og bleyti aðeins burstann ef ég þarf meiri þekju.
Waso Beauty Sleeping Mask er nauðsynjavara í mínu lífi. Ég vinn mikið og sef lítið og það sést því miður stundum á andlitinu mínu en þegar ég sef með þennan maska þá vakna ég eins og ég hafi fengið átta tíma svefn. Húðin verður ljómandi og frískleg, laus við þrota og bauga og húðliturinn minn er miklu jafnari.
L‘Impératrice 3 er eins og vel geymt leyndarmál. Allir þekkja The One og Light Blue frá Dolce & Gabbana en mjög fáir vita af L‘Impératrice 3. Hann er ferskur og ávaxtakenndur en á sama tíma er hann musky og kryddaður. Svo er ekki verra hvað glasið er stílhreint og fallegt.
Ef þú mættir bara velja eina augnskuggapallettu, hver væri hún?
Ég var lengi mikið fyrir litríkar pallettur en undanfarið hef ég lært að kunna að meta einfaldari, náttúrulegar pallettur sem nýtast í flestallar farðanir. Chanel 308 Clair Obscur pallettan er að mínu mati hin fullkomna palletta. Allir litirnir eru mattir og þeir blandast eins og draumur.
Hver er uppáhaldsvaraliturinn þinn? Ég er litið fyrir varaliti en ég elska að nota varablýant og gloss. Mitt uppáhalds kombó er Shiseido varablýanturinn í Beige og Shiseido ShimmerGel-glossið í Hakka Mint.
Hvernig er húðrútínan þín? Ég verð að viðurkenna að ég er ekki alveg nógu dugleg í húðhreinsun. Ég nota yfirleitt augnfarðahreinsi og Micellar-vatn en þarf að vera duglegri að tvíhreinsa húðina. En ég elska sýrur og nota Glycolic Fix Night Pads frá Nip+Fab á hverjum einasta degi. Svo nota ég Hydra Beauty Serum frá Chanel og Waso Giga Hydrating Cream frá Shiseido. Húðrútínan mín endar alltaf á Hydra Essentiel varasalvanum frá Clarins og Multi Active-augnkreminu frá Clarins. Það er uppáhalds augnkremið mitt, ég nota það á sjálfa mig og á alla sem ég farða og ég fæ gjarnan spurningar frá módelum og kúnnum þegar ég ber augnkremið á, af því það er svo kælandi.
Nýtið ykkur endilega 20% afsláttinn af Shiseido og Dolce & Gabbana í Hagkaup, Smáralind á næstu dögum…
