Skotheldar snyrtivörur fyrir karla

Light Blue frá Dolce & Gabbana er goðsagnakenndur ilmur sem við tengjum mörg við sól og sumar í kringum aldamótin. Nú er komin ný og hrikalega fersk útgáfa, Light Blue Forever, og karlailmurinn er sjúklega sexí!

Fyrirsætur Light Blue, þau Bianca Balti og David Gandy, gætu selt okkur ömmu sína.

Dior-ilmir eru einstakir og um að gera að gera vel við sig þegar Tax Free-dagar eru í gangi. Þessi klassíski Dior Homme er í uppáhaldi á okkar bæ enda einstaklega kynþokkafullur og „fullorðins“ ilmur.

Aqua Di Gio Profondo Lights er nýr og ferskur ilmur úr smiðju Giorgio Armani, þess virði að tékka á þessum fyrir sumarið!

Nýr ilmur úr smiðju Giorgio Armani er kominn í Hagkaup.

Sturtugel

Gott er að eiga frískandi sturtugel sem virkar jafnt á líkama og hár.

Andlitshreinsir

Mikilvægt er fyrir karlmenn, alveg eins og konur, að þrífa húðina vel eftir daginn og einnig er gott að byrja daginn á því. Þess vegna er góður andlitshreinsir klár kaup.

Dýrari týpan af andlitshreinsi frá japanska snyrtivöruframleiðandanum Shiseido.

It Cosmetics-snyrtivörurnar eru nýkomnar til landsins og hafa reynst öllum kynjum einstaklega vel.

Augnkrem

Svæðið í kringum augun er það þynnsta á andlitinu og því nauðsynlegt að eiga eitt stykki augnkrem.

Virkar húðvörur

Karlar ættu að vera duglegir að nota svokallaðar virkar húðvörur upp úr 25 ára aldri. Þar kemur til dæmis Retinol-krem sterk inn en það er eitt fárra innihaldsefna sem hefur sannað virkni sína á fínar línur, litabreytingar og hrukkur.