100 hugmyndir að flottu vinnudressi

Tíska - 17. janúar 2025

Það getur verið bölvaður höfuðverkur að finna hið fullkomna vinnudress sem er á sama tíma smart og þægilegt og leyfir okkar persónulega stíl að njóta sín. Stílisti HÉRER.is er hér til að hjálpa og leitar í götutísku mestu „girl bossanna“ í Stóra eplinu, sem eiga það vissulega sameiginlegt með okkur hér á klakanum að vera einstaklega skotnar í svörtum alklæðnaði. En við lofum- hér eru fleiri hugmyndir en svart frá toppi til táar!

Vandaðar, klassískar flíkur sem standast tímans tönn eru alltaf góð fjárfesting. Hér er einfalt átfitt poppað upp með víðum og töffaralegum uppháum stígvélum og svarti liturinn brotinn upp með fallegu belti.

Skyrtukombó

Hvít og krispí vinnuskyrta er möst og ekki verra að hún sé í kærastasniði til að auka á „chic“-faktorinn. Vönduð skyrta gengur jafnt við gallabuxur og pils, dragtarbuxur og leðurbuxur og allt þar á milli.

Látlaust og lekkert á götum New York-borgar.

Djúsí dragt

Gamla, góða dragtin á alltaf vel við þegar þú meinar bissness! Tískan í ár er heldur betur tileinkuð drögtum og bissnessfötum í öllum stærðum og gerðum og því nóg úrval í verslunum.

Smart að nota þykkt belti til að taka mittið saman.

Nútímaleg útgáfa af dragt þar sem jakkinn er stuttur og með sportlegu ívafi.

Sniðið sem er helst að trenda um þessar mundir.

Gallaívaf

Það er engum blöðum um það að fletta að gallaflíkur ganga við nánast öll tilefni sem er og því súpergóð fjárfesting.

Gallasamfestingur er hugmynd að frumlegu vinnudressi, ef vinnustaðurinn leyfir þinni innri stílgyðju að njóta sín.

Góðar gallabuxur eru alltaf að fara að koma þér langt, sama hvert tilefnið er.

Kanadískur tuxedó úr dökku gallaefni og rykfrakki yfir er skothelt vinnukombó!

Allt svart!

Íslenskar konur eiga allavega eitt sameiginlegt með þeim sem búa í Stóra eplinu og það er ást þeirra á svörtum alklæðnaði, sem verður að segjast eins og er, er og verður alltaf jafn „chic“. Svart frá toppi til táar sparar líka tíma þegar við þurfum að finna til föt í vinnuna á morgnana...algert win win.

Undirstrikaðu mittið með fallegu belti.

Belti frá Anine Bing, Mathilda, 36.990 kr.

Pæjuleg pils

Ökklasíð pils eru heldur betur að trenda þessi misserin en þau eru tilvalin í vinnuna, hvort sem er við blússu, rúllukragabol eða smart jakka.

Pilsna- og peysusettið fær eitthvað extra með því að klæðast hvítri skyrtu undir og við upphá leðurstígvél.

Vesti

Vesti hafa verið mikið í sviðsljósinu síðastliðin misseri þegar tískan er annarsvegar og eru tilvalin leið til að fá nokkur tískuprik í kladdann með hækkandi sól.