Tilvalið í helgarbrönsinn

• Gott súrdeigsbrauð (10 sneiðar)
• 2 x Dala brie ostur
• Klettasalat
• 10 sneiðar hráskinka
• Ferskar fíkjur
• Ólífuolía
• Gróft salt

1. Sneiðið niður brauðið, penslið með ólífuolíu og stráið smá grófu salti yfir.
2. Skerið ostinn í sneiðar og geymið (það fara síðan um 3 ostsneiðar á hverja brauðsneið).
3. Ristið brauðsneiðarnar í 200°C heitum ofni í um 2-3 mínútur, takið út og setjið ostinn yfir, ristið áfram í um 1 mínútu eða þar til osturinn bráðnar aðeins niður og leyfið hitanum að rjúka vel úr sneiðinni.
4. Setjið eina hráskinkusneið yfir ostinn, næst smá klettasalat og að lokum niðurskornar fíkjusneiðar.

Hver segir að það þurfi að vera sól og sumar til að njóta rósavíns og gómsætrar snyttu?

Skoðið fleiri uppskriftir hér