Smáhlutir hafa notið mikilla vinsælda undanfarið, eins og erlendis sérfræðingar spáðu fyrir um, og á því virðist ekkert lát. Innanhússarkitektinn Ragnar Sigurðsson, sem hefur vakið athygli fyrir fallega uppgerð heimili, segir að áður fyrr hafi fólk fremur kosið færri og stærri innanhússmuni en nú sé það í auknum mæli farið að huga að smáatriðum og uppröðun.
„Við sjáum þetta bara í erlendum sjónvarpsþáttum og á samfélagsmiðlum,“ nefnir hann sem dæmi. „Fólk er að mynda litla kristalla, litlar koparskálar og fleiri litla hluti og birta ljósmyndirnar.“
Ragnar nefnir sérstaklega til sögunnar litlar skálar og kertastjaka sem hann segir að komi sterkt inn um þessar mundir. „Fallegir kertastjakar með hlýlegu kertaljósi gera alltaf mikið í skammdeginu og litlir stjakar koma til með að verða enn vinsælli og taka við af stærri luktum sem voru eftirsóttar áður.“
Þetta er trend sem kemur erlendis frá og ástæðan er meðal annars sú að þar er fólk farið að búa í smærri íbúðum þar sem plássið er kannski af skornum skammti. Ég kalla þetta stórborgartrend.
Ragnar Sigurðsson, innanhússarkitekt.
Litlar skálar verða eftirsóttar líka. Skálar sem eru svo litlar að maður kemur varla einum skartgrip fyrir í þeim en gera heilmikið fyrir augað,“ lýsir hann. „Svo eru jólin framundan og þá verða smáhlutirnir aldeilis áberandi.“
Litlar skálar úr haustlínu H&M Home. 
Dúka, 14.900 kr.
Spurður út í ástæðuna fyrir þessari tísku segir Ragnar að líkast til séu erlend áhrif ein helsta skýringin. „Þetta er trend sem kemur erlendis frá og ástæðan er meðal annars sú að þar er fólk farið að búa í smærri íbúðum þar sem plássið er kannski af skornum skammti. Svona eins og við sjáum í London, New York og víðar úti í heimi. Út frá því skapast þetta æði,“ útskýrir hann. „Ég kalla þetta stórborgartrend.“
Hann tekur fram að fleira spili þó inn í. Ekki síst aukin heimavera síðustu mánuði. „Fólk hefur ekki verið í sömu aðstöðu og áður til að ferðast og það er eins og það sé að sanka að sér hlutum sem vekja upp tengingar við notalega upplifun. Enda vitum við að lítill hlutur getur farið með mann í langt ferðalag í huganum.”
Fólk á eftir að kunna enn betur að meta smærri hluti. Hluti sem taka ekki upp allt plássið á heimilinu. Sérstaklega þeir sem búa í smærri „einingum“. Enda gleðja litlir hlutir auðvitað ekki síður en stórir.
Því hefur einnig verið spáð að skrautmunir verði enn listrænni og „djarfari“ á næstunni og kveðst Ragnar sammála þeirri staðhæfingu.
„Það er alveg rétt. Meiri glamúr, fleiri litir og mynstur. Brass, marmari, kristallar ásamt fleiri efnum sem voru vinsæl um miðja síðustu öld,“ segir hann og nefnir að fyrir fimm árum hefðu til dæmis ekki margir veggfóðrað heima hjá sér en nú njóti veggfóður útbreiddra vinsælda.
Aðspurður segist hann ekki vera í nokkrum vafa um að þessi tíska verði áfram vinsæl.
„Já, fólk á eftir að kunna enn betur að meta smærri hluti. Hluti sem taka ekki upp allt plássið á heimilinu.
Sérstaklega þeir sem búa í smærri „einingum“. Enda gleðja litlir hlutir auðvitað ekki síður en stórir.
Fyrir utan það taka þeir minna pláss og svo er auðvelt að flytja þá á milli staða. Orðatiltækið „minna er meira“ verður því í góðu gildi.“
Listrænir smáhlutir úr For the love of art-línu H&M Home. 
Fæst í H&M Home Smáralind.
Meiri glamúr, fleiri litir og mynstur. Brass, marmari, kristallar ásamt fleiri efnum sem voru vinsæl um miðja síðustu öld.
Fallegu vasarnir frá Cooee fást í Líf og List í Smáralind. Einnig fást þurrkaðir strávendir í ýmsum litum frá sama merki.
Áhrif erlendra stórborga leyna sér ekki á íslenskum heimilum.
