Frá mér til mín
Hver er dýrmætari en þú? Við notum hvaða afsökun sem er til þess að gera vel við okkur sjálfar.
Gjafakassarnir frá IT Cosmetics eru tilvalin gjöf til okkar frá okkur sjálfum. CC-kremið og Superhero-maskarinn er í daglegri rútínu margra okkar og því ekki úr vegi að fylla á birgðarnar. Bara hugmynd!
Black Opium er ekki ilmur fyrir viðkvæma en hann er uppáhalds kryddaði og kynþokkafulli ilmurinn okkar. Fullkominn á þessum árstíma. Tími á ábót af þessum!
Fyrir mömmu
Mömmur eru einstakar og okkur þykir ekkert leiðinlegt að dekra við okkar yfir hátíðarnar. Ilmirnir frá Lancôme eru nokkuð skotheld gjöf. Uppáhöldin okkar eru La Vie Est Belle, sem er mest seldi ilmur þeirra og Trésor, fyrir dásamlegan næntís-nostalgíufíling! Hver man eftir Isabellu Rossellini-auglýsingunum? Rétt upp hönd!
La Vie Est Belle-gjafakassarnir eru góð gjöf. 
Trésor yljar okkur um hjartarætur.
Lancôme er líka með bjútíbox til sölu yfir hátíðarnar sem eru draumur hvers snyrtivöruaðdáanda. Ef þú ætlar „all in“ er það málið!
Fyrir kæró
Rakspírarnir frá YSL eru í uppáhaldi á okkar bæ. Þeir eru kynþokkinn uppmálaður og ekki er verra þegar töffarar eins og Lenny Kravitz mæla með en hann er talsmaður ilmsins Y frá YSL! Sjáið viðtalið við hann hérna.
Fyrir bestu vinkonuna
Sælkerailmurinn Bon Bon frá Viktor & Rolf hefur slegið rækilega í gegn og er í uppáhaldi hjá mörgum konum. Dýsæt og dásamleg jólagjöf fyrir bestu konuna í þínu lífi.
Fyrir ömmu
Við viljum líka dekra við ömmu. Þá koma dásamlegu kremin frá Biotherm sterklega til greina.
Fyrir húðvörudúlluna
Hverjir elska ekki að hugsa vel um húðina og dekra svolítið við hana? Á markaðnum eru auðvitað urmullin öll af allskyns serum-um og kremum en þessi hér klikka ekki að okkar mati.
IT Cosmetics-snyrtivörurnar eru prófaðar af húð-og lýtalæknum og ættu því að vera alveg skotheldar. Glycolic Peel-ið gerir húðina silkimjúka og ljómandi á meðan Retinol-ið er eitt fárra innihaldsefna sem sannað hefur virkni sína gegn fínum línum og hrukkum.
