Stílistinn okkar með tips fyrir Kauphlaup

Skór

Ef þú ert á höttunum eftir nýjum skóm þá er GS Skór með 20% af öllu frá Dr. Martens, Billibi og Pavement.

Mokkasínur eru klassík sem hægt er að nota hvort sem er á hausti, vori eða yfir sumartímann. Tískuprik í kladdann fyrir að para þær við hvíta, uppháa sokka!

Mokkasínur á tískuviku í New York.

Mokkasínur frá Dr. Martens á 20% afslætti í GS Skór. Fullt verð: 34.995 kr.

Mokkasínur frá Pavement úr GS Skór á 20% afslætti. Fullt verð: 26.995 kr.

25% afsláttur af allskyns skóm hjá Timberland, meðal annars þessum klassísku „bátaskóm“ sem eru að trenda. Timberland, 17.992 kr.

Gallabuxur

Vinnuhesturinn í fataskápnum er án nokkurs vafa gallabuxur og þess vegna er fjárfesting í góðri týpu alveg málið. Mathilda er með 20% afslátt af öllum buxum á Kauphlaupi og því um að gera að grípa gæsina.

Allar buxur á 20% afslætti í Mathilda og þessar frá Anine Bing er á óskalistanum okkar. Fullt verð: 49.990 kr.

20% afsláttur af Calvin Klein í Galleri 17. Fullt verð: 19.995 kr.

Gallabuxur frá Boss úr Mathilda. Fullt verð: 19.990 kr.

Hér er innblástur frá tískuviku þar sem gallabuxurnar spila alltaf stóra rullu.

Bjútí

Lyfja er meðal annars með 20% afslátt af húðlækningavörunum frá Pharmaceris og Vichy og förðunarfræðingurinn okkar er með ráðleggingar fyrir ykkur.

Pharmaceris-vörurnar hafa komið okkur skemmtilega á óvart í gegnum tíðina en farðinn frá þeim er einn sá allra besti, hylur vel og er með kremaða og fallega áferð sem verður eitt með húðinni. Plús að hann er á geggjuðu verði og 20% afslætti í ofanálag! Fullt verð: 3.520 kr.

Mineral 89 serumið frá Vichy er goðsagnakennt en formúlan „býr yfir steinefnaríka lindarvatninu frá VICHY, 4% Niacinamide og góðgerlum sem saman mynda formúlu sem róar stressaða húð og flýtir fyrir því að húðin komist í jafnvægi allt að 69% hraðar en með öðrum sambærilegum vörum, “ segir í lýsingu á vörunni. Fullt verð: 8.999 kr.

Pharmaceris-farðinn er leynd perla í Lyfju sem vert er að tékka á! Fullkomnar á náttúrulegan hátt og góður fyrir viðkvæma húð.

The Body Shop er með 20% afslátt af öllu og við elskum meðal annars hreinsinn frá þeim.

Ræktin

Air er með 20% afslátt af öllu, þannig að ef þig vantar eitthvað fyrir ræktina eða börnin mælum við með heimsókn þangað á Kauphlaupi.

Þessir flottu Adidas-skór eru nú á 11.120 kr. í Útilíf.

Fylgihlutir

Fylgihlutir geta sett punktinn yfir i-ið og Gina Tricot er með extra sæta fylgihluti þessa dagana eins og töskur, sólgleraugu og eyrnalokka á 20% afslætti.