Steldu stílnum frá flottustu tísku­bloggurum Evrópu

Að klæða sig eins og tískubloggari þarf ekki að vera flókið! Sjáið hversu smart það er að klæðast svipuðum litatón frá toppi til táar. Rústrauður og bleikrauðir tónar eru sérlega vinsælir í dag og sjást einnig mikið í innanhússhönnun. Trés chic!

Vínrauður er einn af þessum haustlitum sem fara aldrei úr tísku og gaman er að taka fram ár hvert.

Gallaefni, leður og rúskinn er góð blanda eins og sést hér.

Geggjaður leðurblazer úr Zara sem fæst í Smáralind, 12.990 kr.

Klassíska köflótta mynstrið er gjarnan tekið fram á haustmánuðum og árið í ár er engin undantekning. Takið líka eftir hvað skærlitu buxurnar og gleraugun gera mikið til að gleðja augað.

Gæjalegar leðurbuxur í krókadílamynstri lyfta átfittinu upp á næsta stig.

Permanent og hálsklútur, þetta gerist ekki mikið meira seventís- og við elskum það!

Sjáið hvað beltið gerir mikið fyrir þetta dress.

Ef þú ert í vafa, farðu að ráðum frönsku stílfyrirmyndanna. Klassískar gallabuxur, kasmírpeysa í nútral lit, vandaður blazer og smart sólgleraugu og taska- og þú ert góð.