Tískan sem tröllríður Tik Tok
Tíska - 23. janúar 2024
Það er erfitt að opna samfélagsmiðla í dag án þess að vera sagt að „Clean Girl“-stíllinn sé úti í kuldanum en „Mob Wife“-stíllinn sé hámóðins. Nú virðist mínimalisminn vera heldur betur að víkja fyrir glamúr og glitri. Stílisti HÉRER kynnti sér málið.
Soprano áhrifin
The Soprano´s-þættirnir slóu í gegn hér um árið en nú eru aðalleikkonur þáttanna í miklu aðalhlutverki þegar kemur að stílfyrirmyndum dagsins, enda mafíósakonur með meiru.
Hár og meiköpp
Því stærra sem hárið er, því nær guði er eitthvað sem á vel við í tilfelli Mob Wife-stílsins. Förðunin er einnig langt frá því að vera „Clean girl“ þar sem dökk augnförðun og varir njóta sín í miklum glamúr.
Hlébarðamynstur, leður og ýkt skart var áberandi á tískusýningarpöllunum á tíunda áratug síðustu aldar og smellpassar inn í trend dagsins. Hér má sjá ofurfyrirsætuna Yasmeen Ghauri á tískusýningarpallinum hér í denn.
Pelsar hafa verið að koma sterkir inn með tískustraumum dagsins og passa vel við „mob wife“-stílinn.
Stílstjörnur dagsins á borð við Hailey Bieber og Dua Lipa hafa tileinkað sér glamúrus stíl dagsins.
Áberandi glingur, belti, hálsfestar, eyrnalokkar og armbönd í fleirtölu er eitthvað sem er ómissandi þegar kemur að þessum stíl. Hægt er að finna smart fylgihluti á frábæru verði í SIX, Smáralind.
Fáðu innblástur frá tískusýningarpöllum tíunda áratugsins. Hér má sjá Karen Mulder rokka þennan stíl í denn.
Greina mátti glamúr-áhrifin víða á hátískuviku sem haldin var á dögunum.
