Loksins fær persónulegur og líflegur stíll að njóta sín

Tíska - 15. janúar 2025

Í ár verður persónulegur stíll í brennidepli, þar sem við fögnum því sem gerir okkur einstök. Í tískuheiminum má sjá aukna áherslu á sjálfbærni og endurnýtingu þar sem því gamla og nýja er blandað saman á skemmtilegan hátt en reglurnar eru til að brjóta þær! Nú er tíminn til að láta eigið innsæi og persónulegan stíl ráða för í fatavali og fylgihlutum. Skoðum hvernig stílstjörnurnar tjáðu sig í gegnum tísku á frumlegan hátt á tískuvikum á meginlandinu.

Í Extraloppunni getur þú bæði keypt og selt notaðan og vel með farinn fullorðinsfatnað, fylgihluti og húsbúnað sem er að sjálfsögðu gott fyrir hringrásarhagkerfið. Þessi fallegi hálskragi og húfa frá Victoria Beckham er á óskalistanum okkar.