Fullkominn forréttur

Stundum er einfaldleikinn hreinlega bestur. Þessi sumarlegi forréttur frá Berglindi í Gotterí og gersemar er ætlaður fyrir 5-7 manns eða sem smáréttur. Fullkominn á björtu sumarkvöldi með ísköldu hvítvíni.

Fullkominn forréttur

Stundum er einfaldleikinn hreinlega bestur. Þessi sumarlegi forréttur frá Berglindi í Gotterí og gersemar er ætlaður fyrir 5-7 manns eða sem smáréttur. Fullkominn á björtu sumarkvöldi með ísköldu hvítvíni.

Uppskriftin að hinum fullkomna forrétti

Sumarlegur rækjuforréttur í boði Berglindar hjá Gotterí og gersemar.

Rækjur

  • 800-1000 g tígrisrækja  
  • 250 ml ólífuolía 
  • 4 hvítlauksrif (pressuð/rifin) 
  • 2 x skalottlaukur (fínt saxaðir) 
  • 1 lúka steinselja (fínt söxuð) 
  • 1 lúka kóríander (fínt saxað) 
  • 1 x lime (börkurinn rifinn smátt) 
  • 1 x rautt ferskt chili (smátt saxað) 
  • 1 tsk. maldonsalt 
  • ¼ tsk. pipar 
  • ½ tsk. Chili Explosion krydd 
  • Bambuspinnar 

Leiðbeiningar

  1. Afþýðið, skolið og þerrið rækjurnar. 
  2. Blandið öllum öðrum hráefnum saman í skál og bætið þá rækjunum út í.  
  3. Veltið rækjunum vel upp úr blöndunni, plastið og geymið í kæli í að minnsta kosti 2 klukkustundir en þetta má einnig gera kvöldinu áður. 
  4. Raðið 3 rækjum á hvern bambuspinna (gott að leggja þá fyrst í bleyti í vatn) og grillið við meðalháan hita í um 3 mínútur á hvorri hlið eða þar til þær verða bleikleitar og stinnar. Gott er að pensla afgangs marineringunni á rækjurnar aftur í lokin.  

Hvítlaukssósa 

  • 180 g sýrður rjómi 
  • 180 g majónes 
  • 2 hvítlauksrif (pressuð/rifin) 
  • 1 lúka steinselja (söxuð) 
  • 1 x lime (safinn) 
  • 1 tsk. salt 
  • ¼ tsk. pipar 
  • 1 tsk. Chili Explosion 

Leiðbeiningar

  1. Allt sett í skál og hrært vel saman.  
  2. Gott er setja sósuna í ísskáp og leyfa henni að standa í um 1-2 klst áður en hún er borin fram en hana má einnig gera deginum áður og geyma í lokuðu íláti í kæli.  

Annað meðlæti 

  • 1 x baguette brauð 
  • 1 poki klettasalat 
  • Parmesan ostur 
  • Virgin ólífuolía 
  • Maldon salt
  • Lime (til skrauts)
  1. Skerið brauðið í sneiðar, raðið á ofngrind.  
  2. Penslið sneiðarnar með ólífuolíu og setjið smá maldon salt yfir, ristið í 190° heitum ofni í um 3-5 mínútur eða þar til það er orðið stökkt að utan. 
  3. Raðið síðan á disk: Klettasalat, smá virgin ólífuolía, rifinn parmesanostur, brauðsneið, rækjuspjót, limesneið og hvítlaukssósa.  

Fullkominn á björtu sumarkvöldi með ísköldu hvítvíni.

Meira spennandi

Vertu
með
puttann
á púlsinum

Skráðu þig á póstlista HÉR ER. Við drögum út heppinn vin af póstlistanum í hverjum mánuði sem fær 15.000 kr. gjafakort Smáralindar.