Rauðrófusalat með blámygluosti, plómum, ristuðum heslihnetum og hunangssósu
Fyrir 3-4
Hunangssósa
3 msk. ólífuolía
1 ½ msk. sérríedik, má nota rauðvínsedik
1 msk. hunang
¼ hvítlauksgeiri, fínt saxaður eða pressaður
1 tsk. fennelfræ, ristuð á pönnu og steytt í mortéli
¼ rauðlaukur, afhýddur og skorinn í þunnar sneiðar
½ tsk. sjávarsalt
Hrærið allt hráefnið saman í skál, setjið rauðlaukinn og ½ tsk. af salti síðast saman við. Látið sósuna standa í 30 mínútur þannig að laukurinn mýkist.
Rauðrófur og plómur
4-5 rauðrófur (um 350 g), afhýddar og gróft rifnar í rifjárni
3-4 plómur (um 250 g), skornar í 0,5 cm þykkar sneiðar
20 g fersk basilíka, stór lauf rifin í tvennt
5 g ferskt fáfnisgras
salatblanda að eigin vali
70 g góður blámygluostur rifinn niður í grófa bita, við notuðum ost frá Castello
hnefafylli ristaðar heslihnetur án hýðis sem eru skornar gróft niður.
Setjið rauðrófurnar, plómurnar, helminginn af basilíkunni og helminginn af fáfnisgrasinu saman í stóra skál. Hellið sósunni yfir og hrærið saman. Setjið á stóran disk með salatblöndunni. Dreifið ostinum yfir rauðrófublönduna ásamt heslihnetum og restinni af fersku kryddjurtunum.
Gestgjafinn fæst í Pennanum Eymundsson og Hagkaup, Smáralind.
Uppskrift:Folda Guðlaugsdóttir/Stílisti:Hanna Ingibjörg Arnarsdóttir/Mynd:Hákon Davíð Björnsson
Bon Appétit!