Syndsamleg ostakaka og Cosmo

Í tilefni Bleika dagsins fengum við Berglindi Hreiðarsdóttur hjá Gotterí og gersemum til að deila með okkur bjútífúl og bleikum uppskriftum. Oreo-ostakökudásemd og Cosmo getur ekki klikkað!

Syndsamleg ostakaka og Cosmo

Í tilefni Bleika dagsins fengum við Berglindi Hreiðarsdóttur hjá Gotterí og gersemum til að deila með okkur bjútífúl og bleikum uppskriftum. Oreo-ostakökudásemd og Cosmo getur ekki klikkað!

Syndsamlega girnileg, bleik ostakökudásemd eftir Berglindi frá Gotterí og gersemum.

Bleik RUBY ostakaka

Botn

  • 16 Oreo kexkökur
  • 60 g brætt smjör
  1. Myljið kexið niður í blandara þar til fín mylsna myndast og hrærið bræddu smjörinu saman við.
  2. Setjið bökunarpappír í 20 cm smelluform, spreyið það næst að innan með matarolíuspreyi og þjappið kexmylsnunni í botninn og aðeins upp kantana.
  3. Kælið á meðan annað er útbúið.

Ostakaka

  • 260 g Odense Ruby súkkulaðidropar
  • 3 gelatínblöð (+ 60 ml vatn)
  • 500 g rjómaostur við stofuhita
  • 150 g sykur
  • 2 tsk. vanillusykur
  • 250 ml þeyttur rjómi
  1. Leggið gelatínblöðin í kalt vatn og leyfið að standa nokkrar mínútur.
  2. Hitið þá 60 ml af vatni að suðu og setjið gelatínblöðin útí, eitt í einu og hrærið í á milli svo þau leysist upp. Hellið gelatínblöndunni í skál og leyfið að ná stofuhita á meðan annað er undirbúið.
  3. Bræðið súkkulaðið og leggið til hliðar.
  4. Þeytið saman rjómaost, sykur og vanillusykur í nokkrar mínútur.
  5. Hellið þá gelatínblöndunni varlega saman við í mjórri bunu og því næst brædda súkkulaðinu, blandið rólega og skafið niður á milli.
  6. Vefjið að lokum þeytta rjómanum saman við og hellið blöndunni yfir Oreo kexbotninn.
  7. Kælið í að minnsta kosti 4 klukkustundir eða yfir nótt.

Skreyting

  • 200 ml þeyttur rjómi
  • 8 makkarónur
  • Oreomylsna
  1. Sprautið rjómanum á kökuna með jöfnu millibili og stingið makkarónum á milli rjómatoppa.
  2. Stráið Oreomylsnu yfir kökuna.

Hvað er svo einn Cosmo á milli vina?

Skál í boðinu! 

Cosmopolitan

Uppskrift fyrir eitt glas

  • 30 ml Cointreu
  • 30 ml Vodka
  • 20 ml trönuberjasafi
  • Safi úr ¼ lime
  • Klakar
  1. Setjið allt saman í hristara og hristið vel saman.
  2. Sigtið/takið klakana frá og hellið í glas.
  3. Fallegt er að skreyta glasið með lime berki og með því að dýfa því í smá lime safa og síðan í sykur. Drykkurinn er alls ekki sætur sjálfur svo þetta er leið til þess að gera hann örlítið sætari.
Uppskriftabækur Berglindar Hreiðarsdóttur frá Gotterí og gersemum fást í Pennanum Eymundsson og Hagkaup, Smáralind.

Bon Appétit!

Nýjasta bók Berglindar, Saumaklúbburinn, fæst í Pennanum Eymundsson og Hagkaup, Smáralind.

Meira spennandi

Vertu
með
puttann
á púlsinum

Skráðu þig á póstlista HÉR ER. Við drögum út heppinn vin af póstlistanum í hverjum mánuði sem fær 15.000 kr. gjafakort Smáralindar.