Uppskrift að dásamlegum pavlovum frá Sætum Syndum

Eva María hjá Sætum Syndum í Smáralind deilir hér sjúklega sætri og skotheldri uppskrift að dásamlegum pavlovum.

Uppskrift að dásamlegum pavlovum frá Sætum Syndum

Eva María hjá Sætum Syndum í Smáralind deilir hér sjúklega sætri og skotheldri uppskrift að dásamlegum pavlovum.

Eva María hjá Sætum Syndum í Smáralind er snillingur í bakstri. Uppskriftin af pavlovunum er skotheld og kemur úr smiðju hennar.

Uppskrift

6 stórar eggjahvítur (360gr)

1.5 bolli sykur

2 tsk kartöflumjöl

1/2 tsk sítrónusafi

1/2 tsk vanilludropar

Forhita ofn í 105 gráður

Þeyta eggjahvítur þar til þær eru orðnar semi stífar

Bæti sykri rólega saman við

Þeytt í ca. 10 mínútur þar til stífþeytt

Nota svo sleikju og blanda varlega saman við sítrónusafa, vanilludropa og kartöflumjöl. Sprautupoki og rósastútur notaður til að sprauta fyrst rós og svo hring í jaðrinn ofan á rósina til að mynda skál.

Bakað inni í ofni í 75 mínútur, slökkt á ofninum og leyft að vera þar í 30-60 mínútur í viðbót.

Þvínæst er rjómi þeyttur og pavlovurnar skreyttar með ferskum berjum. Einnig er hægt að setja bragðefni út í marengsinn áður en hann er bakaður, svo sem Turkish Pepper-duft. Einnig getur verið gott að setja karamellu eða kókosbollu í botninn á skálinni og svo rjóma yfir og skreytt að vild.

Pavlovurnar eru annars sjúklega ferskar og góðar einfaldlega með rjóma og berjum.

Gott er að geyma pavlovurnar í loftþéttu boxi í 30 mínútur áður en þær eru bornar fram, þá eru þær dásamlega mjúkar og góðar.

Mynd og uppskrift: Eva María hjá Sætum Syndum.

Meira spennandi

Vertu
með
puttann
á púlsinum

Skráðu þig á póstlista HÉR ER. Við drögum út heppinn vin af póstlistanum í hverjum mánuði sem fær 15.000 kr. gjafakort Smáralindar.