Gjafir sem gleðja á Valentínusardag

Samvera er auðvitað alltaf besta gjöfin og því tilvalin afsökun að nota Valentínusardag til að gera vel við sig í mat og drykk eða skipuleggja kósí heimadeit með ástinni. Kvikmyndahúsin eru stútfull af frábærum bíómyndum sem sniðugt er að skella sér á og svo er líka margt spennandi að sjá í leikhúsum borgarinnar. Ef þú vilt koma elskunni þinni á óvart með gjöf eru hér nokkrar hugmyndir sem vonandi einhverjir geta nýtt sér.

Ilmur af ást

Ilmvatn og rakspíri eru klassískar gjafir sem gaman er að gefa og þyggja.

Sauvage herrailmurinn frá Dior hefur heldur betur sigrað heiminn síðan hann kom á markað árið 2015. Í fyrra var hann mest seldur af bæði herra-og dömuilmum samanlögðum, sem er algerlega fordæmalaust í sögu herrailma. Á tímabili seldist ein flaska á þriggja sekúndna fresti.

Gucci Guilty fyrir öll kynin

Nútímaleg ástaryfirlýsing laus við allar reglur er yfirskrift nýju ilmanna frá Gucci sem voru að bætast við vinsæla flóru Gucci-ilma. Það eru engin önnur en söngkonan Lana Del Rey og leikarinn Jared Leto sem sitja fyrir í auglýsingaherferðinni í fullum Gucci-skrúða. Við mælum eindregið með því að prófa ilmina næst þegar þið leggið leið ykkar í Hagkaup í Smáralind. Kynþokkafull Valentínusargjöf hér á ferð!

Lana Del Rey og Jared Leto fyrir Gucci Guilty.

Nú var að koma á markað Limited Edition-lína af ilmum frá Marc Jacobs sem kemur á hverju vori en hún inniheldur að þessu sinni Daisy Marc Jacobs Love Skies, Daisy Marc Jacobs Skies og Daisy Marc Jacobs Eau So Fresh. Tilvalin ilmvötn fyrir konuna sem fílar ferska og létta ilmi. Komnir í Hagkaup, Smáralind.

Segðu það með súkkulaði

Ef leiðin að hjartanu er í gegnum magann kemur súkkulaði sterkt inn.

Sannkallaður Gourmet-pakki. Snúran, 13.500 kr.

Skart er klassísk gjöf sem klikkar seint

Hægt er að láta grafa nafn þess sem þú elskar á hálsmenin frá Orrafinn, eða jafnvel stafina ykkar. Persónuleg og eiguleg gjöf sem gleður. Fæst í Meba, Smáralind, 26.500 kr.

Þú ert með lykilinn að hjartanu mínu, passaðu hann vel!

Dekur

Hér eru nokkrar gjafir til að dekra við konuna í þínu lífi.

Hármótunartækin frá GHD eru að mörgum talin þau allra bestu á markaðnum í dag. Góðu fréttirnar eru að sléttujárnin frá þeim er nú loksins hægt að fá í Hagkaup. Við gætum ekki verið spenntari. Fullkomin gjöf til að koma konunni á óvart!

Bollarnir frá Design Letters eru tilvalin tækifærisgjöf enda merkt mömmu, pabba, ástinni og allskonar sniðugu. Líf og list, 3.750 kr.

Húðvörurnar frá Augustinus Bader hafa slegið öll met á heimsvísu en stjörnurnar vestanhafs geta ekki hætt að dásama þær. Nú fást þær loksins hér á landi í Elíru í Smáralind. Tilvalin gjöf fyrir dekurrófur.