Nýr Miss Dior
Stjörnuleikkonan Natalie Portman leikur og situr fyrir í auglýsingu fyrir nýja Miss Dior-ilminn og að vanda lekur af henni sjarminn. Skilaboðin eru: „Hvað myndir þú gera fyrir ástina?“ Goðsagnakenndi blómailmurinn sem margar okkar kannast við hefur nú fengið öppdeit og við erum ekki frá því að þetta sé besta útgáfan til þessa. Sjáðu rómantíska auglýsinguna hér fyrir neðan.
Hin óviðjafnanlega Natalie Portman. 
Dior-ilmir fást í Hagkaup, Smáralind.
Gucci Flora Gorgeous Gardenia
Gucci Flora sló í gegn á sínum tíma en nú er ný útgáfa komin á markað: Gucci Flora Gorgeous Gardenia. Við höfum staðið okkur að því að spreyja ilmvatninu á okkur í hvert skipti sem við göngum framhjá snyrtivörudeildinni í Hagkaup. Algert nammi! Rokkstjarnan Miley Cyrus er andlit ilmsins.
Chloé Eau de Parfum Naturelle
Innihaldsefnin í Nýja Chloé-ilminum eru 100% náttúruleg en það er engin önnur en leikkonan Lucy Boynton sem er andlit hans.
Leikkonan Lucy Boynton er andlit Chloé. 
Gabriela Hearst er listrænn stjórnandi tískuhússins Chloé en sjálfbærni er henni hjartans mál.
Uppáhaldslúkkin okkar úr haustlínu Chloé
Beislitur, kamel og brúnir tónar voru áberandi í haustlínu Chloé, síðir prjónakjólar og mjúkar kápur einnig.
My Way Intense frá Armani
Einn af okkar uppáhaldsilmum síðustu ára kemur úr smiðju Armani og heitir My Way. Á dögunum kom ný útfærsla af ilminum, My Way Eau De Parfum Intense, á markað. Ilmvatnsglasið er skúlptur og konfekt fyrir augað út af fyrir sig. Gullfallega sjarmatröllið Adria Arjona leikur í auglýsingu fyrir ilminn sem sjá má hér fyrir neðan.
Adria Arjona er andlit My Way-ilmsins. 
Uppáhaldslúkkin okkar úr haustlínu Giorgio Armani
Luna Rossa Ocean frá Prada
Leikarinn Jake Gyllenhaal er andlit nýja rakspírans úr röðum Prada sem heitir Luna Rossa Ocean. Hann lýsir ilminum sem ferskum og elegant en þið verðið eiginlega að sjá auglýsinguna til að fá fílinginn í æð.
Uppáhaldslúkkin okkar úr haustlínu Prada
Æpandi litir voru áberandi hjá Prada.
Sauvage Elixir frá Dior
Ef þið eruð að leita að kynþokkafullum rakspíra fyrir veturinn er hinn nýi Sauvage Elixir frá Dior málið. Hann minnir okkur persónulega á dásamlegan tíma jólanna enda eru toppnóturnar meðal annars kanill, múskat og kardemomma. Í auglýsingunni fyrir ilminn má sjá engan annan en Johnny Depp rokka á rafmagnsgítar innan um úlfahjörð(!)
Idôle Aura frá Lancôme
Idôle frá Lancôme sló í gegn hér um árið en nú hefur ný viðbót, Aura, bæst við flóruna en það er engin önnur en stórstjarnan Zendaya sem er andlit ilmsins sem er líst sem sólkysstum blómailmi.
Scandal frá Jean Paul Gaultier
Jean Paul Gaultier sýnir okkur enn og aftur hvað hann getur hannað kynþokkafulla og fjölbreytta ilmi. Viðanótur mæta eftirminnilegum karamellukeim í þessum unaðslega herrailmi.
