Svona klæddust skvísurnar á tískuviku í Köben
Tíska - 7. ágúst 2024
Hvort sem þú aðhyllist skandínavískan mínimalisma eða meira er meira í þínum bókum, er hægt að fá innblástur frá skvísunum í Köben sem spókuðu sig um á tískuviku sem haldin var þar á dögunum. HÉR ER var að sjálfsögðu á staðnum til að taka niður punkta.
Ballerínur
Ballerínuskór sáust á annarri hvorri stelpu, að minnsta kosti, á tískuviku í Köben. Skandinavísku stílstjörnurnar eru einkar hrifnar af þeim í rauða litnum, nota bene.
Áreynslulaust skyrtu og buxna-kombó
Stundum þarf bara eina töff skyrtu og flottar buxur til að gera átfittið. Hér eru góð dæmi um það hvernig þær dönsku klæða sig á áreynslulausan og einfaldan hátt.
XL Blazer
Ekki beint nýtt trend en blazerar í yfirstærð eru ekki að fara neitt ef marka má stílstjörnurnar í Köben. Einfaldlega kúl!
Fönkí fylgihlutir
Þær dönsku eru ekki hræddar við að nota fylgihluti eins og töskur, gleraugu og hárskraut í skærum lit og skemmtilegum mynstrum. Hugsanlega eitthvað sem við íslensku konurnar mættum taka okkur til fyrirmyndar af og til!
Fersk litapalletta
Smjörgulur er ferskur andvari inn tísku nýrrar árstíðar.
Heimatilbúið
Heklaðar og bróderaðar flíkur og blúndur par exelans er eitthvað sem er sjóðheitt í Köben um þessar mundir, sjá meðfylgjandi myndir.
Dass af rauðu
Rauði liturinn er ekkert á förum í tískunni, allavega næsta árið enda skemmtilegur litur til að leika sér með til að poppa upp á dressið.
Húmor
Það skemmtilega við tískuna í Kaupmannahöfn er leikgleðin og húmorinn sem skín oft og tíðum í gegn.
Svart/hvítt
Stundum er einfaldleikinn einfaldlega bestur.
