Sætar hugmyndir fyrir saumaklúbbinn

Er saumaklúbbur um helgina? Við kíktum í girnilegt boð hjá Berglindi Hreiðarsdóttur matarbloggara sem gaf nýverið út bókina Saumaklúbburinn. Hér er endalaus uppspretta hugmynda fyrir lítið, sætt vinaboð.

Sætar hugmyndir fyrir saumaklúbbinn

Er saumaklúbbur um helgina? Við kíktum í girnilegt boð hjá Berglindi Hreiðarsdóttur matarbloggara sem gaf nýverið út bókina Saumaklúbburinn. Hér er endalaus uppspretta hugmynda fyrir lítið, sætt vinaboð.

Bakaður ostur með pekanhnetum

  • 1 Dala Auður
  • 50 g saxaðar pekanhnetur
  • 4 msk. agave sýróp
  • 2 msk. púðursykur
  • Cheyenne pipar af hnífsoddi
  1. Hitið ofninn í 190°C.
  2. Komið ostinum fyrir í eldföstu móti og bakið í um 10 mínútur, útbúið pekanhnetubráðina á meðan.
  3. Setjið sýróp, sykur og cheyenne pipar í pott og hrærið þar til sykurinn er bráðinn.
  4. Bætið pekanhnetunum saman við í lokin og hellið yfir ostinn um leið og hann kemur úr ofninum.
  5. Berið fram með góðu kexi eða brauði.

Skinkusalat með graslauk

  • 6 harðsoðin egg
  • Um 200 g skinka
  • 70 g majónes
  • 50 g rjómaostur með graslauk
  • 3 msk. saxaður graslaukur
  • Salt og pipar eftir smekk
  1. Skerið eggin með eggjaskera á tvo vegu í stóra skál.
  2. Skerið skinkuna í litla bita og bætið saman við.
  3. Hrærið saman majónesi og rjómaosti og blandið síðan öllum hráefnum vel saman með sleif.
  4. Kryddið eftir smekk og berið fram með góðu kexi eða brauði.

Við hvetjum ykkur til að fylgja Berglindi á samfélagsmiðlum: Gotterí og Gersemar.

Annað meðlæti á ostabakkanum

  • Brie ostur með berjum, sýrópi og rifnu súkkulaði
  • Rjómaostur með bláberjasultu og bláberjum
  • Hráskinka
  • Salamisneiðar
  • Súkkulaðirúsínur
  • Grettir ostur
  • Alls konar kex/brauð
  • Bláber
  • Makkarónur
  • Epli
  • Hnetur
  • Chili sulta

Gómsætur biti borinn fram á bitastæðu bretti gerir gæfumuninn…

Æðislegur kökudiskur frá Oyoy fæst í Dúka, 8.990 kr.
Viðarbretti geta þjónað margvíslegum tilgangi. Úrval fallegra bretta á góðu verði fæst í H&M Home.
Gullfalleg kanna frá Søstrene Grene, 2.088 kr.

Myndir og uppskriftir: Berglind Hreiðarsdóttir.

Myndir af vörum: frá framleiðendum.

Saumaklúbburinn fæst í Pennanum Eymundsson og Hagkaup, Smáralind og á Gotteri.is.

Meira spennandi

Vertu
með
puttann
á púlsinum

Skráðu þig á póstlista HÉR ER. Við drögum út heppinn vin af póstlistanum í hverjum mánuði sem fær 15.000 kr. gjafakort Smáralindar.