Förðunarfræðingur mælir með frá MAC

Augnblýanturinn frá MAC í litnum Teddy er einstakur! Við höfum aldrei fundið neinn lit sem lætur blá augu skína jafn skært og sá litur enda eru hlýju tónarnir í honum andstæðir við þann bláa (og græna ef út í það er farið) og því gerist eitthvað einstakt þegar hann er notaður í kringum augun. Ef þú vilt gera sexí smokey-förðun, mælum við með honum í vatnslínuna.

Strobe-kremið frá MAC er hinn fullkomni grunnur undir farða ef þú vilt framkalla ljómandi húð og má gjarnan finna í "kitti" förðunarfræðinga. Vel þess virði að fjárfesta í!

Face And Body frá MAC er sá farði sem er líklegast að þú finnir í "kitti" förðunarfræðinga um heim allan. Ástæðan er einföld, hann er einstaklega náttúrulegur og verður eitt með húðinni, auðvelt er að byggja hann upp og svo er hann líka vatnsheldur og hægt að nota á líkamann. Munið að hrista brúsann fyrir ásetningu og við mælum með því að nota fingurna til að nudda honum inn í húðina.

Kremaðir kinnalitir hafa verið að trenda en ein besta formúlan sem við höfum komist í tæri við kemur úr smiðju MAC og heitir Glow Play Blush. Formúlan er mitt á milli þess að vera krem og svampkennt púður sem gefur einstakan ljóma og áferð á húðina. Best að nota með fingrunum eða gervihárabursta.

Fix+ er eitt af þessum snyrtivörum sem við sækjumst í aftur og aftur. Það er fullkomið þegar búið er að nota púður, til að fá sem náttúrulegasta áferð og ljóma á húðina.

Við elskum Paint Pot-in frá MAC sem eru kremaðir augnskuggagrunnar sem einnig er hægt að nota eina og sér. Þeir koma í miklu litaúrvali en sá litur sem við verðum að eiga er hinn fullkomni, náttúrulegi skuggalitur fyrir okkar húðtón og heitir Groundwork. Til í "kittum" flestra förðunarfræðinga sem við þekkjum!

Augnhárabrettari getur breytt leiknum þegar kemur að fallegri augnumgjörð. Þá kemur brettarinn frá MAC sterkur inn en hann er í uppáhaldi margra förðunarfræðinga. Mælum með!

Velvet Teddy ætti að vera til á hverju heimili enda hinn fullkomni nude litur fyrir svo marga mismunandi húðtóna.

Connect In Colour-augnskuggapallettan í Unfiltered Nudes er það eina sem við þurfum þegar kemur að augnskuggum. Tólf klæðilegir "nude" litir í köldum og hlýjum tónum með bæði möttum, sanseruðum og glimmeruðum augnskuggum. Góð fjárfesting!

MAC kom nýverið með á markað augabrúnablýantinn Pro Brow Definer sem er 1mm að þykkt sem er svo mjór að auðvelt er að nota hann til að teikna strik sem líkjast hári. Einnig er augabrúnagelið Pro Locked Down nýtt en það heldur brúnunum á sínum stað án þess að skilja eftir sig hvítar klessur eða gera hárin hörð.