Nýtt frá Chanel

Nýja sumarlína Chanel sem er nýlent í verslunum sótti innblástur í fantasíuveröld náttúrunnar þar sem litadýrð er í hávegum höfð. Skærgrænir, ýktir appelsínugulir, skærbleikir og fjólutónar njóta sín í snyrtivörum sem einfalt er að nota og bæta inn í förðunarrútínuna sína. Ammy Drammeh, sem hannaði línuna sagði að ævintýraveröld og litrík blóm hafi heillað hana og hún vildi brúa bilið á milli fantasíuveraldar og raunveruleikans. Snyrtivörulínan býður upp á nýja leið til að leika sér með liti á einfaldan hátt og því um að gera að leifa hugmyndafluginu og uppáhaldslitunum sínum að ráða ferðinni.

Ein uppáhaldssnyrtivaran okkar frá Chanel eru svokallaðir Baume Essentiel Multi Use Glow Stick en þeir koma í mörgum litatónum, sem hægt er að nota sem kinnalit eða highlighter. Tveir litir eru í nýju línunni, Moonlight Kiss, sem er ljós highlighterlitur með gylltum undirtón og Solar Glow, sem er dekkri highlighterlitur með koparundirtón sem nýtur sín extra vel á dekkri húðtónum.

Þrír naglalakkslitir tilheyra nýju línunni sem er mjög y2k-legur eiturgrænn, ljómandi brúnn tónn og bleiksanseraður sem hægt er að nota einan og sér eða yfir önnur lökk fyrir extra glans.

Tvö kinnalitadúó tilheyra línunni, sem gefa bæði lit og ljóma á kinnarnar og kinnbeinin. Annars vegar Light and Berry sem er mattur fjólutónn og bleikfjólutóna perlugljái og hinsvegar Gold and Peach sem er eins og nafnið gefur til kynna ferskjulitaður kinnalitur paraður með gylltum highlighter.

Hér má sjá nokkrar bakvið tjöldin-myndir frá myndatökunni með Lily-Rose Depp.