Förðunarfræðingurinn okkar mælir með á Tax Free

Áberandi augu

Nú fer að bera meira á augnförðun heldur en hefur verið síðustu misserin þar sem „Clean Girl“-trendið hefur verið hvað mest áberandi. Við uppgötvuðum nýlega Lines Liberated augnblýantinn frá YSL og er hann orðið nýtt uppáhald, sérstaklega í bronze litnum sem fallegt er að nota inn í vatnslínu augnanna.

Lines Liberated er vatnsheldur eyeliner sem gefur þekjandi lit með einni stroku. Um er að ræða nýja augnblýanta frá YSL. Hámarkslitur og blöndun sem endist í allt að 24 klst. Hagkaup, 4.434 kr.

Eyelinerar í allskyns litum eru að trenda en þessi græni kemur einstaklega vel út á hinni brúneygðu Hailey Bieber.

Áberandi augnförðun fer að eiga sinn tíma í sviðsljósinu aftur.

Fullkomin húð

Farðastiftin frá Dior eru komin aftur í verslanir eftir að hafa selst upp á núlleinni! Þessi farði á allt það lof skilið sem hann fær enda bráðnar hann inn í húðina eins og smjör og fullkomnar hana á einfaldan máta.

Ef þú ert á höttunum eftir kremuðum bronzer á borð við þann sem við þekkjum margar frá Makeup by Mario, þá þarftu ekki að leita lengur. Tanning Compact Foundation frá Shieido til bjargar! Hagkaup, 5.240 kr.

Þrusu þrenna á 30% afslætti

Á Tax Free-dögum í Hagkaup býður SENSAI 30% afslátt af þremur „best sellers“ frá þeim sem henta einstaklega vel yfir vetrartímann. Glowing Base, ljómandi farðagrunnur sem er eins og Hollywood-ljómi í flösku, Total Finish „fótósjopp“-púðurfarðinn og Total Lip Treatment Stick sem er einstök varanæring í stiftformi sem unnin er upp úr sömu formúlu og varanæringin þeirra sem slegið hefur í gegn á íslenskum heimilum.

Hagkaup, 5.563 kr. Athugið að askjan er seld sér og kostar 1.889 kr. á Tax Free.

Total Finish „fótósjopp“ púðurfarðinn frá SENSAI gefur fullkomna áferð á húðina og einstaklega hentugur á ferðinni. Nú á 30% afslætti í Hagkaup á Tax Free-dögum.

Retinol + HPR Ceramide kom, sá og sigraði sem besta retínól serum ársins 2024 á People‘s Beauty Awards. Þessi vinsælu serum „capsules“ eru fyrir alla sem kjósa skjótvirkan og sýnilegan árangur gegn öldrunareinkennum án þess að finna fyrir ertingu í húðinni.

Absolute Silk Micro Essence-In-Lotion er uppbyggjandi rakavatn þar sem nærandi eiginleikar 7,9 trilljón olíuagna og Koishimaru silki koma saman í hverjum dropa. Undirbýr húðina fyrir kremið sem kemur á eftir og þú finnur og sérð mun um leið! Hagkaup, 15.320 kr.

Það selst eitt Double Serum á 4 sekúndna fresti í heiminum en þetta margverðlaunaða tveggja fasa serum er bæði til að fyrirbyggja og koma í veg fyrir fínar línur. Hagkaup, 18.546 kr.

Abielle Royale Honey Treatment frá Guerlain er akkúrat það sem við þurfum til að undirbúa húðina fyrir þennan kulda! Hunangstöfrar og rakabomba í einni vöru.

Ertir retinól húðina þína? Þá er um að gera að kynna sér innihaldsefnið Bakuchiol, þú getur meira að segja notað það tvisvar á dag. Þetta fjölvirka serum með andoxunarefninu Bakuchiol ásamt kollagenpeptíð hjálpar til við að draga úr fyrstu einkennum öldrunar. Prófað af húðsjúkdómalæknum og hentar viðkvæmri húð. Hagkaup, 9.837 kr.

Rammaðar varir

Dekkri varablýantur sem rammar varirnar inn með ljósari tón í miðjunni hefur verið að trenda. Hér eru þeir varablýantar sem við mælum með.

Guerlain Contour varablýantur í lit númer 02 Beige Praline.

Stunning Nude varablýanturinn frá SENSAI er alltaf til í veskinu okkar enda fullkominn til að ramma inn varirnar dagsdaglega.

Hér eru nokkrir klassískir frá MAC en Stone er einnig góður ef þú ert á höttunum eftir kaldtóna skyggingarlit.

Vel innrammaðar varir hjá tískuhúsinu Off White haustið 2024.

Glossaðar varir

Lip Oil Balm frá Clarins eru æðislegir glossaðir varasalvar sem koma í fallegum litatónum. Hagkaup, 3.789 kr.

Sagan segir að Peptide Lip Gloss frá Gosh sé „dupe“ af varaglossunum hennar Hailey. Eru líka á mjög góðu verði í Hagkaup.

Natural Lip Perfector frá Clarins þarf alltaf að vera til á okkar heimili. Nærandi, gefur fallegan lit og gljáa og lyktar unaðslega. Hagkaup, 2.982 kr.

Love Shine Candy Glase hafa slegið í gegn á samfélagsmiðlum og gefa vörunum djúsí útlit. Hagkaup, 6.047 kr.

Bjútífúl brúnir

Ef þú ert að leita að góðum snyrtivörum til að fullkomna augabrúnirnar erum við með ráðleggingar fyrir þig!

Augabrúnirnar ramma inn andlitið, eins og við vitum og þá er gott að vera með réttu vörurnar í verkið!

Brow Power Micro frá It Cosmetics er einstaklega góður og örmjór augabrúnablýantur sem býr til strokur sem líkjast hárum.

Lift & Snatch er augabrúnatúss frá NYX sem við kaupum alltaf aftur og aftur og helst á Tax Free. Gerir einstaklega náttúrulega áferð á „hárum“.

Brow Lift Lamination Gel-ið er alltaf til í snyrtibuddunni okkar enda heldur það augabrúnunum á sínum stað allan daginn. Nú fæst það líka í tveimur litum.

Heitir hyljarar

Góður hyljari er gulls ígildi en við erum alltaf á höttunum eftir hinum fullkomna!

Förðunarmeistarinn Katie Jane Hughes, sem við berum mikla virðingu fyrir, kallaði þennan Synchro Skin Self Refreshing hyljara frá Shiseido þann allra besta sem hún hefur prófað. Við erum miklir aðdáendur farðans í sömu línu og verðum að prófa þennan!

Studio Radiance 24h Luminous Lift er nýr hyljari frá MAC sem hefur fengið mikið lof á samfélagsmiðlum. Við erum spenntar að prófa þennan!

Ef þú ert að leita að augnháraserumi sem virkar þá mælum við með Grande Lash. 6 vikna skammtur er á 4.434 kr.

Púður til að setja farða

Það er mikilvægt að velja vel þegar púður er annars vegar og nú er sérlega vinsælt að eiga fínlega malað púður til að setja hyljara undir augum. Hér mælum við með tveimur lúxuspúðrum í sérflokki og einu í ódýrari kantinum sem minnir um margt á hið sívinsæla Givenchy-púður sem hefur gert allt vitlaust á samfélagsmiðlum.

Future Solution LX Total Radiance Loose Powder frá Shiseido er sérlega fíngert lúxuspúður sem hentar einstaklega vel undir augun til að birta yfir augnumgjörðinni. Hagkaup, 13.707 kr.

Laust og einstaklega fínlegt púður sem inniheldur dýrmætt silki sem nærir og verndar húðina. Festir þann farða sem notaður er hverju sinni og er til í „kittum“ margra förðunarfræðinga enda lætur það húðholurnar virka minni og gefur húðinni „fótósjoppað“ útlit. Hagkaup, 5.643 kr.

Bake'n Set frá Gosh Copenhagen er náttúrulegt og létt púður sem auðveldar þér að „baka“ og festa farða en halda þó í ljómandi yfirbragð. Fáanlegt í tveimur litum eftir því hver undirtónn þinn er. Minnir á púðrið frá Givenchy! Hagkaup, 2.579 kr.

Ef þú leitast eftir fullkominni áferð á húðina mælum við með því að nota laust púður og leyfa því að „sitja“ í nokkrar mínútur áður en það er dustað af. Þvínæst er gott að nota farðasprey á borð við Fix+ frá MAC eða All Nighter frá Urban Decay og dúmpa húðina með rökum farðasvampi.

Highlighter

Highlighter er með mikið kombakk, þó með örlítið öðru sniði en árið 2016. Nú má hann gjarnan vera í kremuðu eða fljótandi formi til að verða eitt með húðinni.

Náttúrulegur highlighter er mál málanna í dag.

Forever Glow Maximizer eru sjúklega fallegir highlighterar frá Dior sem koma í mörgum litatónum. Mælum með!

Lumi Glotion frá L´Oreal Paris hafa slegið í gegn en hægt er að nota þá undir farða eða yfir sem highlighter á kinnbeinin, niður nefið og fyrir ofan efri vör fyrir súpermódel ljóma. Hagkaup, 2.418 kr.

Tími rauða varalitsins

Nú fer tími rauðra vara að renna upp þegar niðurtalningin að jólum er byrjuð.

Hárauðar og vínrauðar varir voru áberandi á hausttískusýningarpöllunum en hér má sjá ofurfyrirsætuna Irina Shayk baksviðs hjá Ferrari.

Það er fátt sparilegra en varalitirnir frá Guerlain en umbúðirnar sjálfar eru listaverk og eilífðareign sem hægt er að velja útfrá smekk og stíl hvers og eins.