Allur skalinn tekinn fyrir
Stofnendur fyrirtækisins eru Mette og Rolf Hay en saman hefur þeim tekist að skapa einstakan hönnunarheim. Þau hafa fengið til liðs við sig þekkta hönnuði víðsvegar að til þess að hanna allt frá smáhlutum til stærri húsgagna fyrir fyrirtækið. Þau trúa því að ekkert sé svo smátt að það þurfi ekki að vera vel hannað og spannar því vöruframboðið allt frá smáhlutum líkt og tannburstum upp í stór húsgögn eins og sófa. Fersk nálgun er einkenni allra þeirra hönnuða sem starfa fyrir fyrirtækið en vörurnar eru formfagrar og oft og tíðum litríkar sem setja sterkan svip á heimilið.
Ólíkum þörfum mætt
Hvort sem þú ert að leita að góðri hönnun fyrir heimilið eða skrifstofuna, finnur þú það hjá HAY. Allar vörurnar eru hannaðar þannig að þær geti gengt fjölbreyttu hlutverki og nýst vel í ólíkum rýmum og uppfyllt breytilegar þarfir allra. Áherslur hafa verið lagðar á að gefa ungum og efnilegum hönnuðum með ferska sýn tækifæri og endurspeglast það í vöruúrvalinu. Auk þess framleiðir fyrirtækið vörur eftir hönnun eldri þekktra hönnuða og má þar til dæmis nefna Børge Mogensen í því samhengi. Því má með sanni segja að samtíma- og klassísk hönnun mætist á skemmtilegan hátt hjá HAY.
Litríkar og djúsí gólfmottur. 
Fagurblár og fallegur kertastjaki. 
Snúin kerti eru hámóðins. 
List, arkitektúr og tíska
Mette og Rolf segja að helsti innblásturinn sem endurspeglast í vörunum eigi uppsprettur í þremur þáttum og eru þeir list, arkitektúr og tíska og eru þau orðin að eins konar einkunnarorðum fyrirtækisins. Allt eru þetta greinar sem taka sífelldum breytingum og því mikilvægt að vera á tánum og tileinka sér nýjungar hratt. Efnisvalið er framúrskarandi þar sem mikil áhersla er lögð á góða endingu og mætir það kröfum samtímans um aukna umhverfisvernd.
Litríkt og lokkandi fyrir eldhúsið. 
Perluð símataska frá HAY. 
Sætir salt- og piparstaukar. 
Listrænir blómavasar sem rata beint á óskalistann okkar. 
Lamparnir og ljósin frá HAY eru alveg stórkostlega falleg.
Sætir sloppar úr smiðju HAY.
HAY er nú fáanlegt í allri sinni litríku dýrð í Smáralind í Pennanum Eymundsson. Vöruúrvalið er frábært og alltaf hægt að gera sérpantanir á stærri hlutum og húsgögnum. Komdu og kynntu þér hönnunarheim HAY í Smáralind.
