Leynitips stílistans fyrir svefnherbergið

Að velja róandi jarðliti í svefnrými, er ákveðin löngun til að tengjast náttúrunni. Hér er tilvalið að blanda saman græntóna rúmfötum með mjúkum púðum. Viðarhúsgögn og fylgihlutir í brúnu eða appelsínugulu, setja rétta tóninn - sem og lifandi grænblöðungar.

Náttborð er alfa og omega svefnherbergisins. Passið að náttborðið sé í sömu hæð og rúmið, svo auðveldara sé að leggja hluti frá sér og snooza vekjaraklukkuna er hún hringir.

Náttborð er alfa og omega svefnherbergisins. Passið að náttborðið sé í sömu hæð og rúmið, svo auðveldara sé að leggja hluti frá sér og snooza vekjaraklukkuna.

Það snýst ekki allt um djarfa liti þegar við viljum gera huggulegt í kringum okkur. Margir kjósa meiri einfaldleika í svefnherbergið og þá er tilvalið að hjúfra sig í kringum ljósa, þykka kodda með fínlegu mynstri. Hér skiptir lýsingin einnig miklu máli og hana ber að velja vel.

Það skapar ákveðna ró að velja rúmteppi í stíl við sængurverin. Nema þú veljir teppi í dökkum lit eða með mynstri, þar sem teppið verður skrautlegur þáttur í heildarútlitinu.

Góð lýsing er mikilvæg, þó að svefnrýmið eigi ekki að ljóma allan sólarhringinn. Fallegt loftljós skiptir höfuðmáli sem og náttlampar. Passið að lýsingin sé mjúk og hlý, til að viðhalda rólegu og notalegu andrúmslofti.

Við verjum það miklum tíma í svefnherberginu, þó iðulega með lokuð augun - en það er engin afsökun til að gera herbergið ekki notalegt. Reyndu að halda góðri röð og reglu í herberginu, hvað varðar aukahluti - sem oftar en ekki gera herbergið eins kósí og við viljum hafa það.

Gardínur eru mikilvægur þáttur í svefnherberginu, þá ekki aðeins til að loka af dagsbirtuna - heldur skapa þær huggulegt andrúmsloft og sannkallaða hótelstemningu sem margir sækjast eftir.

Þeir sem kjósa dramatík í svefnherbergið, ættu að horfa á liti sem minna á litríka gimsteina - stóra spegla og ögrandi listaverk. Og fyrir þá sem vilja ganga skrefinu lengra, þá er „metallic“-áferð alltaf að fara bæta við glamúrinn.