Heil kanna af kaffi úr einu hylki
Nespresso á Íslandi kynnir nýjustu vörulínuna, Vertuo, sem kaffiunnendur hafa beðið eftir. Enn meiri fjölbreytni sem endurspeglast meðal annars í að sérstök karafla fyrir uppáhellt hágæðakaffi er kynnt til leiks.
Vertuo, er virkilega spennandi fyrir kaffiáhugafólk og vélin, Vertuo Next, er eins og við er að búast, einkar glæsileg, en Nespresso vélarnar hafa hlotið fjölda Red Dot verðlauna í gegnum tíðina.
Vertuo dregur fram það besta í kaffinu og lyftir gömlu góðu uppáhellingunni upp á hærra plan. Uppáhellingartæknin er byltingarkennd en í grunninn byggir hún á miðflóttaafli (e.centerefusion) sem gerir það að verkum að kaffifroðan (e.crema) verður mjög mikil og undirstrikar gæðin í kaffinu. Vélin býður einnig upp á enn meiri fjölbreytni sem endurspeglast meðal annars í að sérstök karafla fyrir uppáhellt hágæðakaffi er kynnt til leiks.
Þrátt fyrir þá nýlundu að hægt sé að hella upp á heila könnu er vitaskuld hægt að hella upp á smærri skammta eins og Nespresso hefur lagt ríka áherslu á undanfarin 40 ár og hafa slegið rækilega í gegn um allan heim
Einfalt og umhverfisvænt
Á hylkjunum er sérstakt strikamerki sem vélin les og veit þá nákvæmlega hversu mikið vatn þarf í hvern bolla, hvert hitastigið á vatninu á að vera og snúningshraði við uppáhellingu. Þetta skilar sér sannarlega í frábærum bolla en ekki síður í því að þarna notar vélin nákvæmlega það magn af vatni og rafmagni sem til þarf og ekkert fer til spillis. Vélin sjálf er svo framleidd úr 54% endurunnu plasti.
Nespresso leggur gríðarlega mikið upp úr því að vörur þeirra séu umhverfisvænar og hvetur viðskiptavini okkar ávallt til endurvinnslu og taka á móti notuðum hylkjum á öllum verslunum sínum sem og afhendigarstöðum vefpantana. Hylkin eru úr áli sem er 100% endurvinnanlegt og hefur þar að auki þann kost að varðveita gæðin í kaffinu.
Kaffi að hætti atvinnukaffibarþjóna
Nespresso hefur verið leiðandi undanfarin 40 ár þegar kemur að því að bjóða upp á hágæða kaffi heima við. Hugmyndafræði fyrirtækisins er einföld og hverfist um að allir geti útbúið sér kaffibolla heima hjá sér eða á vinnustaðnum, sem er á pari við það sem atvinnukaffibarþjónar bjóða upp á.
Nespresso hefur í gegnum tíðina unnið markvisst að því að fullkomna þessa hugmynd og í dag er vörumerkið samnefnari fyrir kaffi í mjög háum gæðaflokki í endurvinnanlegum álhylkjum og kaffivélar sem eiga sér engan líkan í kaffiheiminum.
