Heitustu hausttrendin fyrir heimilið
Þegar hitastigið lækkar og dagarnir styttast, þá er kominn tími til að færa hlýjuna inn. Haustið ögrar okkur með nýjungum sem aldrei fyrr, og við fáum nostalgíukast með endurkomu trenda sem minna okkur á gamla og góða tíma. Hér eru heitustu hausttrendin fyrir heimilið þetta árið.
Litakortið fyrir haustið
Róandi litir og fjölnota húsgögn eru orð sem óma í hönnunarheiminum þetta haustið. Þar sem þægindin eru í fyrirrúmi, en skapa jafnframt stílhreint yfirbragð og almenn huggulegheit. Litakortið er innblásið af náttúrunni, eða í brúnum tónum, „terracotta“, djúpum grænum og mjúkum gráum. Þessir mettuðu tónar kalla fram hlýju og notalegheit.
Djúpur vínrauður litur er vinsæll þetta haustið - ekki bara í húsbúnaðarvörum, heldur líka hjá helstu tískuhúsunum. Hér er hluti af nýjustu golffatalínu sænska J.Lindeberg sem fæst í Kultur Menn og Karakter í Smáralind.
Haustið ögrar
Trendin fyrir haustið eru ögrandi - fyrir suma! Margir húsgagnaframleiðendur hafa kynnt til leiks húsgögn í áberandi litatónum og mynstrum, ásamt þungum gólfmottum og gardínum. Vefnaðarvörur hafa sjaldan verið jafn áberandi og nú, og þá ekki bara í nýjum vörum, heldur líka á gömlum klassískum húsgögnum. Gardínur eru ekki lengur bara skermur fyrir gluggann, því þær eru næstum "plássfrekar" ef svo mætti segja - þá djarfar í efnisvali og litum og úr lúxusefnum eins og flaueli.
TIPS!
- Byrjið á að bjóða hlýrri litum og áferðum inn á heimilið. Það má til dæmis bæta við púðum í haustlitum í sófann í stofunni.
- Skiptið léttum sumarfatnaði út fyrir þykkari peysur, dragið teppin fram og kveikið á kertum. Kerti með kryddilmum eða kanil, kalla á komandi árstíð.
- Prófið að mála vegg í hlýjum jarðlit og stillið upp fallegum vasa, stól eða öðrum húsmunum í svipuðum lit, eða haldið í jarðtenginguna með basti, leðri og jafnvel keramík - til að kalla fram náttúrulegu tónana.
- Opnar hillur í eldhúsið, viðarskurðarbretti, keramík diskar, skál full af eplum og jafnvel þurrkuð blóm - gefa haustlega stemningu.
- Ljósir kremaðir litir ásamt gráum tónum, eru áberandi í svefnherbergið þetta haustið. Þar sem nóg af púðum og rúmteppi eru fremst í flokki.
Handunnin keramík, skrautlegir vasar og listaverk eru lykilþættir í að skapa sjarma og persónulegan blæ inn á heimilið - og munu án efa gera hvert rými meira lifandi. Kerti og þá sér í lagi ilmkerti, gefa angan af haustinu.
Hér má sjá jarðtóna í húsgögnum sem og í fylgihlutum. Takið eftir hvað golfmottan gerir mikið fyrir rýmið og færir aukna hlýju.
Nostalgían heilsar
Stál og glansandi málmar eru áberandi þessi misserin og í svo miklu mæli að brass er á ákveðnu undanhaldi. Við sjáum sófaborð, stóla og aðra skrautmuni í glansandi endurkomu áttunda áratugarins við miklar undirtektir.
Silfursófi frá Eilersen vakti athygli í sumar á sýningu í Kaupmannahöfn. Sófinn verður settur á uppboð seinna á árinu, og mun ágóðinn renna til góðgerðarmála - þar sem þægindi og góð samviska haldast í hendur.
Silfursófi frá Eilersen vakti athygli í sumar á sýningu út í Kaupmannahöfn. Sófinn verður settur á uppboð seinna á árinu, og mun ágóðinn renna til góðgerðarmála - þar sem góð þægindi og góð samviska haldast í hendur. Epal er endursöluaðili Eilersen hér á landi.
Umvefjum okkur hlýju og tökum á móti haustinu með opnum örmum.
