Stjörnustílisti skreytir páskaborðið

Heimili & hönnun - 21. mars 2023

Stjörnustílistinn Þórunn Högna er þekkt fyrir að vera fagurkeri af guðs náð og elskar fátt meira en að gera fallegt í kringum sig. Hún gerði sér lítið fyrir og dekkaði páskaborð eftir sínu höfði og bakaði gómsætar kræsingar sem eru næstum of fallegar til að borða. Hér er gullfallegur innblástur fyrir páskana.

Þórunn elskar að gera fallegt í kringum sig og páskarnir eru engin undantekning. „Mér finnst alltaf gaman að skreyta fyrir páskana, nú er svo mikið í boði af allskonar fallegu páskaskrauti í helstu decor-verslunum landsins. Ég skreyti kannski ekki mikið, set samt greinar í vasa og allskonar skraut á þær og er dugleg að breyta til. Svo finnast mér fersk blóm algerlega ómissandi og falleg kerti. Svo dekka ég alltaf páskaborðið og fer þá „all in“," segir Þórunn og skellir upp úr.

Þórunn Högna, stílisti og listrænn stjórnandi Icewear.

Páskaborðið að hætti Þórunnar Högna

Allur borðbúnaður er úr H&M Home Smáralind, skraut á tauservíettum er úr Søstrene Grene og greinarnar á borðinu eru úr Hagkaup Smáralind.

Stílisering, bakstur og myndataka í höndum Þórunnar.

Ég fer mikið í H&M Home og er mjög hrifin af hördúkunum og tauservíettunum frá þeim og á alveg örugglega alla liti! Mér finnst alltaf gaman að sjá hvað kemur þangað fyrir páskana. Fyrir allt föndurdót fer ég Søstrene Grene, ég elska allt svona dúllerí.

Notaðu það sem til er, það er t.d fallegt að hafa lítil súkkulaðiegg í fallegri skál á borðstofuborðinu eða uppdekkuðu borði. Greinar úr garðinum í bland við eucalyptus koma einnig vel út í vasa.

Uppskrift að páskaköku og skrautlegum kökupinnum

Þórunn notar gjarnan styttri leiðina og í grunninn sívinsæla og þrælgóða kökumixið frá Betty Crocker en er með nokkur brilljant tips til að bragðbæta og gera extra djúsí. Allt hráefnið fæst í Hagkaup, Smáralind.

Gulrótamix frá Betty Crocker
Mjólk notuð í staðinn fyrir vatn
Bráðið smjör í staðinn fyrir olíu.
Vanilludropar eftir smekk
Örlítið af salti
Best að nota 20 cm spring-form, hvorn botn skorinn þvert til að fá fjóra botna

Smjörkrem

250 g smjör, skorið í teninga
250 g smjörlíki
Þeytt vel saman
1 pakki flórsykur
Vanillusykur eftir smekk
1/2 dl af ískaldri mjólk
Sítrónusafi eftir smekk
Matarlitir
Kakan skreytt með litlum páskaeggjum
Kreminu skipt upp í poka með fjórum mismunandi stútum til að skreyta

Páskapinnar fyrir krakkana

Betty Crocker smákökumix (tekur 10 mín. að baka)
Form sem eru eins og egg í laginu
Hvítt súkkulaði
Sykurmassi fyrir blóm og lauf
Pinnar/rör
Gullduft

Páskapinnarnir munu slá í gegn hjá yngri kynslóðinni og koma einstaklega vel út á páskaborðinu.

Sætir páskapinnar fyrir yngri kynslóðina.

Litlir kökuturnar

Kökuturnarnir hennar Þórunnar koma einstaklega vel út í smart glösum og eru tilvalinn eftirréttur á páskum.

Betty Crocker kökumix
Sett í bollakökuform og skornar þvert
Skreytt með vanillusmjörskremi, kökuskrauti og litlum súkkulaðieggjum frá Cadbury
Kampavínsglös notuð undir turninn