Vor í lofti hjá H&M Home
Heimili & hönnun - 12. mars 2024
Vorið er lent í H&M Home í Smáralind og rúntur um verslunina minnir okkur á að biðin styttist! Hér er það sem ber hæst í vorlínu H&M Home 2024.
Brilljant borðbúnaður
Við erum sérstaklega skotnar í borðbúnaðinum úr vorlínu H&M Home þar sem brúntóna glös og goðsagnakenndir blómavasarnir njóta sín á uppdekkuðu borði.
Vorlínan inniheldur vínglös á fæti og vatnsglös.
Dass af vori
Aukahlutirnir á borð við kertastjaka, púða, teppi og aðra smáhluti koma í skærum litum sem minna okkur á að vor og sumar eru handan hornsins!
Gaman er að leika sér með púða og teppi eftir árstíðum.
Sætt svefnó
Svefnherbergið er ekki undanskilið þegar kemur að voröppdeiti! Sæt rúmföt í skærgulum lit gefa svefnherberginu dass af vori.
Bjart baðherbergi
Við erum sérstaklega skotnar í skemmtilegum speglum sem fylgja vorlínunni í ár en tvær týpur eru til í versluninni í Smáralind.
Með vorhreingerningunni gefst oft gott tækifæri til að skipta út smáhlutum á borð við tannburstaglös, handklæðum og sápupumpu.
Við mælum með heimsókn í H&M Home í Smáralind fyrir dass af vori beint í æð!
