Tískuvikan í Mílanó
Glamúr og nördismi í götutískunni í Mílanó
Tíska - 24. september 2024
Mílanó er ein áhrifamesta tískuborg heims og við vorum að sjálfsögðu með ljósmyndara á vegum HÉR ER á nýafstaðinni tískuviku til að mynda stílstjörnurnar í sínu elementi. Hér er það sem stóð upp úr og hvernig þú getur tileinkað þér stílinn.
Nörda chic
Fáðu stílráð frá tískugyðjunum í Mílanó sem hafa heldur betur fallið fyrir skrifstofugyðju lúkkinu sem tröllreið samfélagsmiðlum fyrir ekki svo löngu síðan. Skólastelpuleg pils, skyrtur, bindi, Mary Janes-skór og næntís gleraugu eru allt flíkur og fylgihlutir sem smellpassa við þennan stíl. Gaman er að segja frá því að ítölsku tískuhúsin Gucci og Miu Miu eru þau sem "störtuðu" trendinu og því ekki skrítið að stíllinn hafi verið áberandi á götum Mílanó.
Litur haustsins
Vínrauður á haustinn? En byltingarkennt! En svona án gríns þá eru allir og amma þeirra í vínrauðu þessa dagana og vel fram á næsta sumar, ef marka má tískukrádið. Flíkur og fylgihlutir í þessum kynþokkafulla lit sem minnir alltaf á haustið er mættur með látum.
Leðuræði
Leðrið er bæði glamúrus og rokk og ról og var mjög áberandi á götum Mílanóborgar á nýafstaðinni tískuviku.
Takið eftir hvað hlýi brúni tónninn parast fallega við þá köldu bláu.
Fleiri flottar fyrirmyndir
Hér er götutískan í Mílanó á nýafstaðinni tískuviku þar í borg.
Molto Bene!
Molto Bene!
