Trendin sem við viljum tileinka okkur frá tískuviku í New York
Tíska - 13. febrúar 2025
Þau eru sko fjölmörg trendin sem við spottuðum á tískuviku í New York sem við erum spenntar fyrir. Hér eru nýjustu tískustraumarnir beint í æð.
Hér sjáum við tvö mjög stór trend, „stud“-ana sem við sjáum á töskum og skóm og stóru „vintage“ lokkana sem Yves Saint Laurent kynnti meðal annars til sögunnar nýlega. Nú er um að gera að fá að kíkja í skartgripaskrínið hjá mömmu eða ömmu!
Pæjulegir pelsar
Ef við ættum að giska myndum við segja að um 80% kvenna sem tóku þátt í tískuviku í New York hafi klæðst pels og virðast vinsældirnar alls ekkert vera að gefa eftir eftir sterka innkomu síðasta haust.
Dýrðlegt dýramynstur
Það er ekkert verið að gera upp á milli dýranna í skóginum þegar kemur að mynstrum þegar nýjasta tískan er skoðuð. Hvort sem það er sebra, slanga, krókódíll eða hlébarði, þá er það sjóðheitt trend.
Lokkandi litasamsetningar
Gulur og grár, vínrauður og ljósblár, lillablár og brúnn...nefndu það, við sáum ótreljandi fallegar og frumlegar litasamsetningar á tískuvikunni í New York.
Vænlegur vafningur
Önnur hver tískudíva er með peysu yfir öxlunum þessa dagana.
Áberandi armbönd í þessum anda eru eitt heitasta trendið þessi misserin.
Bráluð belti
Við sáum þetta líka í Kaupmannahöfn, belti eru með þvílíka endurkomu og spennandi stílisering er að skjóta upp kollinum þar sem mörg ólík belti eru notuð á sama tíma, helst yfir blazera eða kápu. Eins erum við að sjá buxur með tveimur röðum fyrir belti og mjög þykk mittis- og mjaðmabelti í anda aldamótatískunnar.
Eitt stærsta beltatrendið þessa dagana er að nota mörg mismunandi belti saman, sérstaklega yfir kápur eða blazera eins og sést hér.
Heit hárbönd
Það verða allir og amma þeirra með svona hárbönd á næstunni, þið lásuð það hér!
Blazerar og kápur með stundarglasasniði þar sem mittið er ýkt er mál málanna í dag.
Djúsí drengjakollur
Hér er heitasta hártískan, minnir okkur óneitanlega á Lindu Evangelistu á tíunda áratugnum. Elskum!
Moonboots á tískuviku í New York en þau fást í Mathilda í Smáralind.
Truflaðar tuðrur
Nú koma töskurnar í XL! Tískuprik í kladdann fyrir þau sem skella henni undir handarkrikann!
Sokkabuxur í lit eru að koma sterkar inn hjá tískukrádinu.
