Þessi trend voru út um allt á tískuviku í París
Tíska - 11. mars 2025
Það er fátt skemmtilegra en að fylgjast með stílstjörnunum á tískuviku í París, þar sem klassíkin mætir nútímanum og nýjustu straumar fæðast. Hvort sem það er á tískusýningarpöllunum eða götum borgarinnar, þá er París óþrjótandi uppspretta innblásturs – fullkomið tækifæri til að fá nýjar hugmyndir og leika sér með eigin stíl!
HÉRER heldur áfram að fjalla um nýjustu tísku beint frá tískuvikunum á meginlandinu en hér eru nokkur trend frá París sem voru áberandi og heilluðu okkur.
Smjörgulur og fölbleikur
Það er engum blöðum um það að fletta að pastellitirnir koma sterkir inn með hækkandi sól en tveir verða einstaklega áberandi á næstu misserum; smjörgulur og fölbleikur.
Kjút klútar
Hálsklútar eru með massívt kombakk þessi dægrin og stílstjörnurnar leika sér með þennan fylgihlut á skemmtilegan hátt. Nú er gamli, góði hálsklúturinn ekki eingöngu notaður á klassískan hátt um hálsinn heldur líka fléttaður í hárið, yfir höfuðið, sem skraut á handtöskunni eða utan um mittið.
Beltabrjálæði
Nú fá belti heldur betur sinn tíma í sviðsljósinu þar sem þeim er skellt yfir allt og ekkert og jafnvel nokkur pöruð saman í einu. Belti yfir blazera, kápur og kjóla undirstrika mittið á fallegan hátt og gerir heilmikið fyrir heildarlúkkið.
Höfuðföt
Hattar eru einn ferskasti fylgihluturinn á tískukrádinu þessa tíðina.
Ílangar töskur
Svokallaðar „east west“-töskur eða ílangar í anda Alaïa eru heitustu týpurnar í dag og allir og amma þeirra senda frá sér útgáfur með þessu sniði.
Ljóst og lekkert
Það voru ófá átfittin á tískuviku sem gáfu okkur innblástur fyrir fataskáp vorsins því með hækkandi sól sækjumst við óneitanlega í ljósari og léttari klæðnað.
