Í tísku hjá körlunum í haust
Tíska - 2. september 2024
Hér er innblástur fyrir haustið fyrir karlana sem vilja vera með puttann á púlsinum.
Lekkerir leddarar
Leðurjakkar eru skyldueign í fataskápinn hjá öllum kynjum en sjaldan hefur þessi klassíska flík verið jafn áberandi og þessi misserin. Góð afsökun til að hafa augun opin fyrir nýjum og gæjalegum leddara!
Leðurfrakkar eru líka að trenda eins og þessi eitursvali gaur, sem er eins og klipptur út úr seventís-bíómynd, sannar.
Steldu stílnum
Reffilegt rúskinn
Flíkur úr rúskinni fylgja óneitanlega hausttískunni og árið í ár er síður en svo undantekning þar sem jakkar, frakkar og fylgihlutir úr þessu gæðaefni eru að trenda.
Rúskinnsskór og stígvél eru líka sjóðheit í haust og vetur. Farið bara varlega í slabbinu!
Kúrekastíll
Gallabuxur við gallaskyrtu eða jakka og kúrekastígvél og kögur er eitthvað sem þú mátt ekki láta framhjá þér fara. Nú er tíminn til að finna sinn innri kúreka! Jííhaa!
Steldu stílnum
Vínrautt
Við vitum að september hefur bankað upp á þegar vínrauði liturinn dúkkar upp. Gefðu fataskápnum djúsí krydd með flíkum og fylgihlutum í þessum sexí lit.
Steldu stílnum
Praktík
Praktískir jakkar sem kallaðir eru „utility“ jakkar upp á enskuna eru að trenda. Bomber-jakkar halda einnig velli og sportlegir, léttir jakkar sem eru smart en súper praktískir. Við erum nokkuð vissar um að þetta eru góðar fréttir fyrir marga stráka!
