Skórnir sem skipta máli í haust

Mótorhjólastígvél eru ekki ný af nálinni en hafa verið að trenda síðustu árin og auðvelt að skilja af hverju. Þau ganga við allt og ekkert og eru sérstaklega smart við eitthvað „kvenlegt“ og rómantískt, til að fá örlítið rokk og ról í dressið. Svo passa þau líka ágætlega við veðurfarið hér á landi, sem er alltaf bónus.

Bókstaflega allt í rúskinni er sjóðheitt um þessar mundir, hvort sem um er að ræða töskur, jakka, frakka, kápur eða skó. Klassískur stíll sem stenst tímans tönn en er hugsanlega ekki mjög praktískur í íslenska slabbinu í vetur. Smart samt!

Rauðir fylgihlutir hafa verið mál málanna síðustu misserin og dúkka alltaf upp á þessum árstíma. Auðveld leið til að poppa upp á átfittið. Hvort sem þú fílar hárauðan eða vínrauðan, patent eða leður, þá erum við með skóparið fyrir þig!

Mokkasínur halda áfram að vera vinsælar enda ekta haustskór og klassísku stílarnir halda velli en nú mega þeir gjarnan líka vera með hæl.

Svo sem ekki nýtt trend og ef þú fjárfestir í góðum, uppháum stígvélum ættu þau að endast lengi og vera eitthvað sem tekið er fram aftur og aftur, ár eftir ár. Hér er innblástur frá tískuviku og þau stígvél sem fást í Smáralind.

Ballerínuskórnir halda áfram að trenda og skólastelpulegir skór eins og Mary Janes eru einnig að koma sterkir inn. Bónustískustig í kladdann fyrir að klæðast þeim með sokkum!

Föt og fylgihlutir sérstaklega með allskyns dýramynstri eru mál málanna!

Silfurlitaðir skór og stígvél eru í náðinni hjá tískukrádinu en við sjáum þá stíla fara á flug þegar jólavertíðin nálgast.

Við getum þakkað Miucciu Prada fyrir endurkomu svokallaðra kitten-hæla. Við fögnum þessari þægilegu en smart týpu!