Steldu stílnum frá dönsku stílstjörnunum

Skreyttar töskur

Eitt stærsta trendin sem við sáum á tískuviku í Köben voru skreyttar töskur. Þá erum við að tala um allskyns glingur, lyklakippur og skrautmuni eins og bangsa, „charms“ og fleira til þess að poppa upp á töskuna. Skemmtileg leið til að gera átfittið persónulegra.

Skreyttu töskuna þína með persónulegum smáhlutum á borð við minjagripi frá síðustu utanlandsferð.

Hér fá uppáhaldsbangsarnir að njóta sín á töskunni.

Húmor og leikgleði skín í gegn í klæðaburði dönsku stílstjarnanna.

Prófaðu að snúa hálsfestunum við ef þú ert í topp eða kjól með beru baki. Súper chic!

„Statement“ yfirhöfn

Leyfðu yfirhöfninni að sjá um vinnuna og veldu jakka, frakka eða kápu með áhugaverðum díteilum.

Silfurlitaðar flíkur eru að trenda eins og sést hér á Emili Sindlev.

Smjörgulur kemur ferskur inn á næstunni.

Guðdómlegur leðurblazer en svipaðan væri hægt að finna í verslunum á borð við Extraloppunni í Smáralind.

Guðdómlegur laxableikur rykfrakki í stuttu sniði.

Jakkar í þessum stíl eru heldur betur að eiga sína stund í sviðsljósinu þessi dægrin. Sjá nokkra svipaða hér að neðan.

Smart á götum Kaupmannahafnar á tískuviku.

Fyrir þær sem þora! Prófaðu að stæla áhugaverðan topp yfir blazer.

Þykkt mittistbelti yfir blazer eða kápu kemur einstaklega vel út og er góð leið til að krydda upp á flíkurnar sem eru nú þegar til í fataskápnum.

Eyrnakonfekt

Skreyttu eyrun með „Statement“ eyrnalokkum í anda skandí-stjarnanna.

Elegant stílisering þar sem mittisbelti er notað yfir peysu við sítt pils.

Sokkar til sýnis

Við hefðum ekki trúað því ef okkur hefði verið sagt fyrir nokkrum árum að sokkar væru í tísku og notaðir við allar týpur frá sandölum yfir í spariskó. En hér erum við!

Súper chic dress þar sem elegant og retró blazer er paraður við sítt pils og hæla.

Dömulegur stutterma blazer paraður við víðar og síðar gallabuxur. Fullkomið kombó ef þú spyrð okkur!

Næntís minímalismi sem við elskum! Takið eftir mokkasínunum, þær koma sterkar inn með haustinu.

Minímal skandí-stíll í sinni bestu mynd.

Gordjöss ljóst og lekkert dress.

Takið eftir því hversu flott það er að nota hálsfesti yfir rúllukragabolinn.

Rauði liturinn heldur áfram að trenda.

Kanadíski tux-inn heldur velli.

Gallajakkar og skyrtur í þessu beina sniði eru að trenda þessi dægrin og smellpassa við „stelpulega“ kjóla.

Persónulegir stuttermabolir

Danir eru þekktir fyrir húmor og gleði þegar kemur að klæðaburði. Tökum frænkur okkur í Köben til fyrirmyndar og leyfum stuttermabolnum að segja okkar persónulegu sögu og lýsa karakter okkar eða áhugamálum.