Verða skinny-gallabuxurnar með kombakk í haust?
Tíska - 6. ágúst 2024
Hvort sem þú elskar þær eða hatar eða hatar að elska þær, þá er óumflýjanleg staðreynd að skinny-gallabuxurnar munu eiga endurkomu fyrr eða síðar. Nú eru nokkur teikn á lofti að þetta „gamaldags“ trend verði með kombakk á næstu misserum.
Óumflýjanleg endurkoma
Skinny-gallabuxur voru einu gallabuxurnar sem við klæddumst að því er virðist fyrir ekki svo mörgum árum síðan, þegar Kate Moss og Alexa Chung voru aðaltískufyrirmyndirnar. Þá voru þær gjarnan paraðar við ballerínuskó eða mótorhjólastígvél. Síðustu árin hafa þær heldur betur verið í kuldanum, eins og gengur og gerist þegar tískustraumar eru annars vegar, og vikið fyrir víðari týpum sem hafa verið mál málanna. Í haust virðast gömlu, „góðu“ (sitt sýnist hverjum) skinny-gallabuxurnar vera að skjóta upp kollinum á tískusýningarpöllum tískuhúsa á borð við Miu Miu, Balenciaga og Ganni og á stílstjörnum eins og Bellu Hadid og auðvitað Moss-mæðgum.
Skinny 2.0
Lila Moss er ekki dóttir móður sinnar fyrir ekki neitt!
Drottning skinny-gallabuxnanna er án nokkurs vafa Kate Moss.
Nútíma útgáfan af skinny
Svona eru stílstjörnurnar á Instagram að klæðast skinny-gallabuxum árið 2024.
Hér eru nokkur pör af skóm sem passa við skinny-gallabuxurnar.
